Today News செய்திகள் 11.02.2021 | TPC

Today News 11.02.2021 | TPC

நடிகர் சிவாஜி கணேசனின் மூத்த மகன் ராம்குமார் தனது குடும்பத்தினருடன் பாஜகவில் இணைந்தார்.

சென்னை தியாகராயநகரில், பாஜக தலைமையகமான கமலாலயத்தில் மாநிலத் தலைவர் எல். முருகன், கட்சியின் மேலிடப் பொறுப்பாளர் சி. டி. ரவி, முன்னிலையில், கட்சியில் இணைந்தார்.

இதேபோல் இன்று குன்னூர் தொகுதி முன்னாள் திமுக சட்டமன்ற உறுப்பினர் சவுந்தரபாண்டியனும், தன்னை பாஜகவில் இணைத்துக்கொண்டார்.

------

சி.பி.எஸ்.இ 9 மற்றும் 11-ம் வகுப்பு மாணவர்களுக்கு ஏப்ரல்-1 முதல் பள்ளிகளை தொடங்கலாம்.

மாநில அரசின் அனுமதியோடு, நடப்பு கல்வி ஆண்டில் முன்கூட்டியே பள்ளிகளை திறக்க சிபிஎஸ்இ அனுமதி.

------

புதிய வேளாண் சட்டங்களால் மண்டிகள் ஒழிந்துபோகும் என்றும், இன்றியமையாப் பொருட்கள் சட்டத்துக்கு முடிவு கட்டப்படும் 

- காங்கிரஸ் தலைவர் ராகுல்காந்தி.

------

நாளை (12.02.2021 Friday) ரிலீஸாக இருக்கும் பாரிஸ் ஜெயராஜ் படத்துக்கு சென்சாரில் U/A  கிடைச்சிருக்கு.

------

கொரோனாவால் பாதிக்கப்பட்டு, மருத்துவமனையில் சிகிச்சை பெற்றுவந்த நடிகர் சூர்யா குணமடைந்து வீடு திரும்பினார்.

“அண்ணன் சூர்யா கொரோனா பாதிப்பிலிருந்து மீண்டு வீடு திரும்பினார்.

நாங்கள் அனைவரும் சிறிது நாட்கள் வீட்டிலேயே எங்களை தனிமைபடுத்திக் கொண்டுள்ளோம்.

பிரார்த்தனை செய்த அனைவருக்கும் நன்றி.”

நடிகர் கார்த்தி!

------

ஏலே திரைப்படம் வரும் 28-ம் தேதி நேரடியாக விஜய் தொலைக்காட்சியில் வெளியாகிறது.

புதிய விதிகளால் படத்தை திரையரங்கில் வெளியிட முடியவில்லை.

OTT கடிதம் கொடுத்தால்தான் படத்தை திரையிடும் என்று திரையரங்கு உரிமையாளர்கள் கூறியிருந்த நிலையில் தொலைக்காட்சியில் வெளியாகிறது.

------

தமிழகத்தில் தமிழ் புத்தாண்டு, பள்ளித் தேர்வுகள், வெயில் ஆகியவற்றை கருத்தில் கொண்டே தேர்தல் தேதி முடிவு செய்யப்படும்.

வாக்களிக்க கூடுதலாக ஒரு மணி நேரம்: தலைமை தேர்தல் ஆணையர் சுனில் அரோரா.

------

சென்னை லலிதா ஜுவல்லரி அலுவலகத்தில் இருந்து 90 கிராம் தங்கக் கட்டியைத் திருடிச் சென்ற 3 ஊழியர்கள் கைது.

3 பேரும் ராஜஸ்தான் மாநிலத்தை சேர்ந்தவர்கள் என்று போலீஸ் தகவல்

------

மக்கள் நீதி மய்யத்தின் நிரந்தர தலைவராக கமல்ஹாசன்:

தேர்தல் கூட்டணி, வேட்பாளர் தேர்வு உள்ளிட்டவற்றில் முழு அதிகாரம் கமல்ஹாசனுக்குதான் உள்ளது செயல்படுவார் - பொதுக்குழுவில் தீர்மானம் நிறைவேற்றம்.

கமல்ஹாசன் தலைமையில் நடைபெற்ற மக்கள் நீதி மய்யம் பொதுக்குழு கூட்டத்தில் 25 தீர்மானங்கள் நிறைவேற்றம்.

“நான் வாரிசு அரசியல் செய்ய மாட்டேன். நேர்மையான கட்சியாக ம.நீ.ம இருக்க வேண்டும்.

என் இரு மகள்களும் பொதுக்குழுவிற்கு வருவதாக கூறினார்கள். ஆனால் வாரிசு அரசியலாக மாறிவிட கூடாது என்று நான் மறுத்துவிட்டேன்.”

கமல்ஹாசன்.

------

கொரோனா நெருப்பு இன்னும் அணையாத நிலையில், விலை ஏற்றம் என்ற பெட்ரோலை ஊற்றி மக்களை வதைப்பதா?

மக்களின் சுமையைக் குறைக்க வேண்டியதே அரசின் பொறுப்பு - திமுக தலைவர் ஸ்டாலின்.

------

தங்கம் விலை சவரனுக்கு ரூ.128 குறைந்து ரூ.36,048/-க்கு விற்பனை.

ஒரு கிராம் தங்கம் ரூ.4,506/-க்கு விற்பனை.

------

லடாக் எல்லை விவகாரத்தில் ஒரு ‘இன்ச்’ நிலத்தை கூட யாருக்கும் விட்டுக் கொடுக்கமாட்டோம்.

எல்லையில் பதற்றத்தைத் தணிக்க பாங்காங் ஏரி அருகே படைகளை விலக்க முடிவு - மாநிலங்களவையில் பாதுகாப்புத்துறை அமைச்சர் ராஜ்நாத் சிங்.

------

இங்கிலாந்துக்கு எதிரான தொடரில் நடராஜன் சேர்க்கப்படலாம் என தகவல் தெரிய வந்துள்ளது. பிசிசிஐ விடுத்த கோரிக்கையை ஏற்று விஜய் ஹசாரே தொடரில் இருந்து நடராஜனை தமிழக கிரிக்கெட் சங்கம் விடுவித்தது. இங்கிலாந்து அணிக்கு எதிராக ஒருநாள் மற்றும் டி 20 தொடருக்கான இந்திய அணியில் சேர்க்கப்படலாம் என தகவல் வெளியாகியுள்ளது.

------

Today News செய்திகள் 10.02.2021 | TPC

Today News 10.02.2021 | TPC

ஓடிடி தளங்களில் வெளியாகும் திரைப்படங்கள் மற்றும் தொடர்களில் அதிகமாக பாலியல் காட்சிகள், வன்முறைகள், தகாத சொற்கள் பேசுவது போன்றவைக்கு கட்டுபாடுகள் இல்லாததால், அவை பார்ப்பவர்களின் மனதை புண்படுத்தலாம் என்று குற்றஞ்சாட்டப்பட்டது. 

இதனால் ஓடிடியில் வெளியாகும் படைப்புகளை கண்காணிக்க புதிய வழிகாட்டு நெறிமுறைகளை கொண்டு வர வேண்டும் என்று உச்ச நீதிமன்றத்தில் மனு ஒன்று தாக்கல் செய்யப்பட்டது. இதை தொடர்ந்து, ஓடிடியில் திரைப்படம் மற்றும் தொடர்கள் ரிலீஸ் செய்வதற்கான வழிகாட்டு நெறிமுறைகள் தயாராக இருப்பதாகவும், விரைவில் அவற்றை வெளியிட இருப்பதாகவும் தகவல் மற்றும் தொலைத்தொடர்பு அமைச்சர் பிரகாஷ் ஜவடேகர் தெரிவிச்சிருக்கார்

------

தை அமாவாசை! (11.02.2021)

தை மாதத்தில் மகர ராசியில் சூரியன் பிரவேசிக்கின்றார். அதாவது சனியின் வீடான மகரத்தில் அவரது தந்தையான சூரியன் பிரவேசிக்கின்றார். இதனால் சூரியனை பிதுர்காரகன் என்றும், சந்திரனை மாதுர்காரகன் என்றும் நம் முன்னோர்கள் கூறுகின்றனர்.

 

சூரியனும், சந்திரனும் சனியின் வீட்டில் சஞ்சரிப்பதால் தை அமாவாசை கூடுதல் சிறப்பாகப் பார்க்கப்படுகிறது. மேலும், ஆடி அமாவாசையன்று மூதாதையர்களை வரவேற்கும் நாம் தை அமாவாசையன்று விடைகொடுத்து அனுப்புகிறோம்.

--

தை அமாவாசையை முன்னிட்டு மதுரை - ராமேஸ்வரம் இடையே சிறப்பு ரயில்களை இயக்க தெற்கு ரயில்வே ஏற்பாடு செய்துள்ளது.

------

முன்னாள் முதல்வர் ஜெயலலிதாவின் தோழி சசிகலா கடந்த மாதம் 27 ஆம் தேதி சிறையில் இருந்து விடுதலையான நிலையில் சமீபத்தில் அவர் பெங்களூரில் இருந்து சென்னை திரும்பினார்.

அப்போது அவருக்கு தமிழக எல்லையிலும் தமிழகம் முழுவதிலும் சென்னையிலும் பிரமாண்டமான வரவேற்பு அளிக்கப்பட்டது. இந்த நிலையில் சசிகலா தனது காரில் அதிமுக கொடியை பயன்படுத்துவது குறித்து கிருஷ்ணகிரி டிஎஸ்பி சசிகலாவுக்கு நோட்டீஸ் கொடுத்த விவகாரம் பெரும் பரபரப்பை ஏற்படுத்தியது.

இந்த நிலையில் சசிகலா அதிமுக கொடியை பயன்படுத்த கூடாது என நோட்டீஸ் கொடுத்த கிருஷ்ணகிரி டிஎஸ்பி மீது நடவடிக்கை எடுக்க கோரி சென்னை உயர்நீதிமன்றத்தில் வழக்கு ஒன்றும் பதிவு செய்யப்பட்டுள்ளது. இந்த வழக்கு விரைவில் விசாரணைக்கு வர உள்ளதாக கூறப்படுகிறது.

------

சென்னையில் இருந்து சிங்கப்பூருக்கு விமானத்தில் கடத்த முயன்ற ரூ.25 லட்சம் மதிப்பு செம்மரக்கட்டைகள் பறிமுதல் செய்யப்பட்டுள்ளது. படுக்கை விரிப்புகளுக்குள் மறைத்து பார்சல் கட்டி கடத்த முயன்ற 500 கிலோ செம்மரக்கட்டைகள் சிக்கின. சிங்கப்பூர் செல்லும் சரக்கு விமானத்தில் ஏற்ற இருந்த போது சுங்கத்துறை அதிகாரிகள் ஆய்வு செய்து கைப்பற்றினர்.

------

எஸ்.சி, எஸ்.டி தனித்தொகுதிகள் போல் மாற்றுத் திறனாளிகளுக்கும் தனி தொகுதி ஒதுக்க கோரி தேர்தல் ஆணையத்தில் மனு அளிக்கப்பட்டுள்ளது. தேர்தல் ஆணையத்தில் அனைத்து மக்கள் புரட்சி கட்சி சார்பாக நிறுவன தலைவர் செந்தில்ராஜா மனு அளித்துள்ளார். தமிழ்நாட்டின் 234 தொகுதிகளிலும் வேட்பாளர்களாக மாற்றுத் திறனாளிகளை நிறுத்த ஒரே சின்னம் ஒதுக்க கோரிக்கை விடுக்கப்பட்டுள்ளது.

------

சத்தியமங்கலம் – மைசூர் சாலையில் தமிழக எல்லையில் போராட்டம் நடத்திய வாட்டாள் நாகராஜை கர்நாடக போலீஸ் கைது செய்தது. கும்பாரகுண்டியில் போராட்டத்தில் ஈடுபட்ட கன்னட சலுவாலிய கட்சி தலைவர் வாட்டாள் நாகராஜ் உள்ளிட்ட 40 பேர் கைது செய்யப்பட்டுள்ளனர். தமிழகத்தின் தாளவாடி, உதகை, ஒசூர் ஆகிய பகுதிகளை கர்நாடகாவுடன் இணைக்க வலியுறுத்தி வாட்டாள் நாகராஜ் போராட்டத்தில் ஈடுபட்டார்.

------

தமிழகத்தில் யானைகள் இறப்பது தொடர்பான அனைத்து வழக்குகளையும் சிபிஐ விசாரிக்க ஐகோர்ட் கிளை உத்தரவிட்டுள்ளது.

யானைகள் மரணத்தில் வெளி மாநிலத்தவர்களுக்கும் தொடர்பு உள்ளது. வெளிமாநிலங்களில் விசாரணை நடத்த வேண்டி இருப்பதால் சிபிஐ விசாரணைக்கு மாற்றப்படுகிறது எனவும் விளக்கம் அளித்துள்ளது.

------

இந்தியா – சீனா 9-ம் கட்ட ராணுவ கமாண்டர்கள் மட்டத்திலான பேச்சுவார்த்தையில் முன்னேற்றம் ஏற்பட்டுள்ளதாக தகவல் வெளியாகியுள்ளது. பேச்சுவார்த்தையின் அடிப்படையில் பங்கோங் சோ ஏரி கரையில் உள்ள படைகளை இரு நாடுகளும் திரும்ப பெறப்பட்டுள்ளதாகவும் கூறப்படுகிறது.

------

வேளாண் சட்டங்களை ஆதரித்து பிரதமர் பேசியதற்கு மக்களவையில் எதிர்க்கட்சி உறுப்பினர்கள் எதிர்ப்பு தெரிவித்தனர். எதிர்கட்சியினரின் முழக்கத்தால் சிறிது நேரம் பதிலுரையை பிரதமர் மோடி நிறுத்தினார். வேளாண் சட்டங்கள் குறித்து பொய் கூறுபவர்கள் தனது உரைக்கு இடையூறு செய்வதாக மோடி குற்றம் சாட்டினார்.

------

திருவாரூர் மாவட்டத்தில் சசிகலா, இளவரசி, சுதாகரனுக்கு சொந்தமான (62 ஏக்கர் நிலத்தை) தமிழக அரசு சொத்துக்கள் அரசுடைமையாக்கப்பட்டன.

------

வித்யாபாலன் நடித்துள்ள இந்தி குறும்படம், நட்கட். ஆண், பெண் சமத்துவம் பற்றி பேசும் இந்த குறும்படத்தை ஆஸ்கர் விருதுக்காக அனுப்பி வைத்தனர். சிறந்த வெளிநாட்டு குறும்படங்களுக்கான போட்டியில் இந்த படம் இடம்பெற்றுள்ளது.

------

அயோத்தியில் ராமர் கோவில் கட்டுவதற்காக திரட்டப்படும் நிதி ரூ.600 கோடியை தாண்டியுள்ளது. கோவில் கட்டுமான பணியை மேற்கொள்ளும் ஸ்ரீராம ஜென்ம பூமி தீர்த்த ஷேத்ரா டிரஸ்ட் ஜனவரி.15-ம் தேதி முதல் நன்கொடை திரட்டி வருகிறது. வசூலாகும் நன்கொடையில் தவறுகள் நிகழாமல் இருக்க, பட்டயக் கணக்காளர் குழு தலைமையில் கண்காணிப்பு முறை அமைக்கப்பட்டுள்ளது.

------

சென்னையில் 22 கேரட் ஆபரணத் தங்கத்தின் விலை சவரனுக்கு ரூ.120குறைந்து ரூ.36,176/- க்கு விற்பனை செய்யப்படுகிறது. சென்னையில் 22 கேரட் ஆபரணத் தங்கத்தின் விலை கிராமிற்கு ரூ.15 குறைந்து ரூ.4,522/-க்கு விற்பனையாகிறது. சென்னையில் ஒரு கிராம் வெள்ளியின் விலை ரூ.74.40/-க்கு விற்பனை செய்யப்படுகிறது.

------