Today News 05.02.2021 | TPC
16.43
லட்சம் விவசாயிகள் கூட்டுறவு வங்கிகளில் பெற்ற பயிர்க்கடன் ரூ.12,110 கோடி தள்ளுபடி:
பயிர்க்கடன் தள்ளுபடிக்கான அரசாணை வெளியிடப்பட்டு, அதற்கான
நிதி ஆதாரம் வரும் நிதி நிலை அறிக்கையில் ஒதுக்கப்படும் - சட்டப்பேரவையில் முதல்வர்
எடப்பாடி பழனிசாமி அறிவிப்பு.
விதி எண் 110-ன் கீழ் சட்டப்பேரவையில் அறிவிப்பு.
------
கடன் தள்ளுபடி விவசாயிகளுக்கு மிகப்பெரிய மகிழ்ச்சியையும், நல்ல எதிர்காலத்தையும் உருவாக்கும்.
விவசாய பயிர் கடன் தள்ளுபடி என்ற முதலமைச்சர் பழனிசாமியின் அறிவிப்புக்கு தேமுதிக தலைவர் விஜயகாந்த் வரவேற்பு.
------
200 தொகுதிகளுக்கு மேல் திமுக வெற்றி பெற்று ஆட்சி அமைக்கும், 234 தொகுதியில் வெற்றி பெற்றாலும் ஆச்சர்யம் இல்லை - மு.க.ஸ்டாலின் பேட்டி.
திமுக ஆட்சிக்கு வந்ததும் 100 நாட்களில் மக்கள் பிரச்சனைக்கு தீர்வு காணப்படும் என மு.க.ஸ்டாலின் உறுதி அளித்துள்ளார்.
------
உள்ளாட்சி அமைப்புகளில் மாநகராட்சி, நகராட்சி, பேரூராட்சி தனி அலுவலர்களின் பதவிக்காலம் நீட்டிக்கப்பட்டுள்ளது.
தனி அலுவலர்களின் பதவிக்காலத்தை நீட்டிப்பது குறித்த மசோதா குரல் வாக்கெடுப்பு மூலம் நிறைவேறியது. பெண்கள், குழந்தைகள் மீதான குற்றங்களுக்கு தண்டனை அதிகரிப்பதற்கான மசோதாவும் நிறைவேற்றம் செய்யப்பட்டது.
------
கொல்கத்தா காவல்துறையில் நேதாஜி என்ற பெயரில் புதிய பட்டாலியன் பிரிவு உருவாக்கப்படும்.
மேற்குவங்க சட்டப்பேரவையில் முதல்வர் மம்தா பானர்ஜி அறிவிப்பு.
------
சென்னை பல்கலைக்கழக வகுப்புகள் தொடர்ந்து ஆன்லைன் முறையிலேயே நடைபெறும்.
ஜூன் மாதத்திற்கு பிறகு நேரடி வகுப்புகள் தொடங்கப்படும்.
சென்னை பல்கலைக்கழகம் அறிவிப்பு.
------
புதிய வாக்காளர்களுக்கு அடையாள அட்டைகள் விரைவு அஞ்சலில் அனுப்பப்படும் என்று மாநில தலைமை தேர்தல் அதிகாரி திரு சத்தியப்பிரதா சாஹூ தெரிவித்துள்ளார்.
------
தமிழகத்தில் கொரோனா இன்றைய நிலவரம் 05.02.2021.
489 புதுத் தொற்றாளிகள்.
இதில் 158 பேர் சென்னைவாசிகள்.
52,487 பேர்களுக்கு டெஸ்ட் எடுக்கப்பட்டது.
------
ஆன்லைன் மூலம் ரூ.250 செலுத்தினால் பஞ்சாமிர்தத்துடன் கூடிய பழனி முருகன் கோவில் பிரசாதம் நம் இல்லம் தேடி வரும்.
------
ஜல்லிக்கட்டு தொடர்பாக போடப்பட்ட வழக்குகள் திரும்ப பெறப்படும் என்று முதல்வர் பழனிச்சாமி அறிவித்துள்ளார்.
விரும்பத்தகாத நிகழ்வுகளான, காவல் துறையினரை தாக்கிய வழக்குகளை தவிர்த்த பிற வழக்குகள் வாபஸ்.
------
கொரோனா பாதிப்பால் கடந்த ஆண்டு கடைசி வாய்ப்பில் யு.பி.எஸ்.சி தேர்வை எழுதாமல் தவறவிட்டவர்களுக்கு மேலும் ஒரு வாய்ப்பு வழங்கப்படும் என்று உச்சநீதிமன்றத்தில் மத்திய அரசு தெரிவித்துள்ளது.
------
அணையப் போகும் அரசாக அதிமுக அரசு உள்ளது என திமுக தலைவர் ஸ்டாலின் தெரிவித்துள்ளார். திமுக என்ன சொன்னதோ, நான் என்ன சொல்கிறேனோ அதை அப்படியே முதல்வர் செய்து வருகிறார்.
------
அமேசான் ப்ரைம் வீடியோ மோகன்லால் நடித்த த்ரிஷ்யம் 2 படத்தின் முதல் போஸ்டரை வெளியிடுவதுடன் படத்தின் ட்ரெய்லர் வெளியீட்டு தேதியையும் அறிவிக்கிறது.
முதல் போஸ்டரை அமேசான் ப்ரைம் வீடியோ இன்று வெளியிட்டுள்ளது. இப்படத்தின் ட்ரெய்லர் வரும் பிப்.8, 2021 அன்று வெளியாகிறது.
------
திருவள்ளுவர் பல்கலைக்கழகம் இரண்டாகப் பிரித்து விழுப்புரத்தில் ஜெயலலிதா பல்கலைக்கழகம் உருவாக்க பேரவையில் மசோதா நிறைவேற்றம்.
புதிதாக உருவாக்கப்பட்டுள்ள ஜெயலலிதா பல்கலைக்கழகத்தின் கட்டுப்பாட்டில் கடலூர் பெரியார் கலைக்கல்லூரி, சிதம்பரம் அரசு கலைக்கல்லூரி, விருத்தாசலம் திருக்கொளஞ்சியப்பன் அரசு கலைக்கல்லூரி, விழுப்புரம் அறிஞர் அண்ணா அரசு கலைக்கல்லூரி, திண்டிவனம் கோவிந்தசாமி அரசு கலைக்கல்லூரி ஆகியன வருகின்றன.
------
தமிழக சுகாதாரத்துறை அமைச்சர் விஜய பாஸ்கர் மகளின் பரதநாட்டிய அரங்கேற்றம் சென்னை சேத்துப்பட்டில் நாளை மாலை நடைபெற உள்ளது.
சிறப்பு விருந்தினர்களாக
எடப்பாடி மற்றும் ஓ பி எஸ் கலந்து கொள்கின்றனர்.
------
சிறையில் இருந்து விடுதலையான சசிகலா, பெங்களூரில் தன்னை தனிமைபடுத்திக்கொண்டுள்ளார். சசிகலா வருகின்ற எட்டாம் தேதி சென்னை வரவுள்ளதாக டிடிவி தினகரன் தெரிவித்துள்ளார். சென்னை வரும் சசிகலாவிற்கு பிரம்மாண்ட வரவேற்பு அளிக்க அவரது ஆதரவாளர்கள் திட்டமிட்டுள்ளனர்.
------
வரும் 8ஆம் தேதி முதல் கல்லூரிகள் தொடங்க உள்ள நிலையில்,
கல்லூரிகளுக்கு இனி வாரத்தில் ஆறு நாட்கள் வேலை நாட்களாக அறிவித்து தமிழக அரசு உத்தரவு பிறப்பித்துள்ளது.
------
